Uit: 'Pakete Médiko pa seguradonan-PP di Kòrsou'

Medionan di yudansa
Tin dos prosedura
1. Petishon pa medio di yudansa pa hür pa tres luna despues di entre otro un operashon na rudia, pia òf aksidente ta bai direktamente via di Thuiszorgwinkel Nos Orkon NV, na Mauritslaan 1 (Emmastad) òf  Pro Kuido NV na Cas Coraweg 84, ta trata aki di krùk i looprek. Ta presentá ku e karta di indikashon di bo dòkter i bo karchi di seguro na Nos Orkon òf  Pro Kuido NV.

2. Tur otro petishon pa p.e. stul di wil, stul di baño, kama speshal etc. ta akudí na Sentral di Kuido (Zorgcentrale) pa evaluá e petishon.Ta presentá ku e karta di indikashon di bo dòkter i bo karchi di seguro na Sentral di Kuido.

Pa dokumento i informashonnan partikular, bishitá "klantenservice".


Brel i kontaktlèns
Ta posibel pa haña esakinan solamente a base di un resèpt di dòkter di wowo i aprobashon di BZV. Pa montura ta kubri e gastunan te ku Fl 90,-. Un brel nobo (montura i glasnan) no ta keda suministrá promé ku dos aña pasa kon tal k'e dòkter di wowo a duna un indikashon pa kambio di brel dentro dje periodo akí. Den tal kaso solamente ta kambia glas.

Entrante promé di yüli 2004 e segurado-PP no mester stèmpel su resèpt di brel mas na ofisina di BZV. E por bai dirèkt un óptika di su eskoho. E óptika ta manda e resèpt BZV pa haña akort riba e resèpt di brel.

 Lista di Optikanan